பள்ளி காலை வழிபாட்டுச் செயல்பாடுகள்
நாள் : 22.01 . 2020.  புதன்கிழமை .
🌸திருக்குறள் : அதிகாரம்:கேள்வி .
எனைத்தானும் நல்லவை கேட்க அனைத்தானும்
ஆன்ற பெருமை தரும்.                                                                                                                                       🌸பொருள்:
   எவ்வளவு சிறிதே ஆயினும் நல்லவற்றைக் கேட்டறிய வேண்டும். கேட்ட அந்த அளவிற்கு அவை நிறைந்த பெருமையைத் தரும்.
🌸 பொதுஅறிவு:
1. இரு குவிய கண்ணாடியை உருவாக்கியவர் ?
விடை  :    பெஞ்சமின் பிராங்கிளின்.
2.  மனித உடலில் அமில காரச் சமநிலையை ஒழுங்குபடுத்தும் உறுப்பு?
விடை  :  சிறுநீரகம். 
3. முதல் இசைக்கருவி எது?
விடை  :  குழல்.
4. பிறந்த குழந்தைக்கு முதலில் கொடுக்கப்படும் நோய் தடுப்பூசி?
விடை   : BCG
5 . பிரஞ்சு கிழக்கிந்திய கம்பெனி தொடங்கப்பட்ட ஆண்டு?
விடை    : 1664 .
பழமொழிகள் (proverbs) :
🌸    Better bend the neck than bruise the fore head

             தாழ்ந்தது நின்றால் வாழ்ந்து நிற்பாய்.
🌸     Rome was not built in a day

           ஒரே நாளில் கோட்டையை பிடிக்க முடியாது
இரண்டொழுக்கப் பண்பாடு:
🌸         பொறுமையும் பணிவும் நன்மதிப்பை உண்டாக்கும் என்பதை நான் அறிவேன்.                                                  🌸 எனவே நான் ஒவ்வொருவரிடமும் எப்பொழுதும்  பொறுமையாகவும் பணிவாகவும் நடந்து கொள்வேன்.பொறுமைக்கும் பணிவுக்கு எடுத்துக்காட்டாய் பிறர் போற்றும் வகையில் நடந்து கொள்வேன்.
 நீதிக்கதை :
ஒரு பிரபல தொழில் அதிபரைப் பார்த்து ஒரு இளைஞர். உங்களது வெற்றியின் ரகசியம் என்ன என்று சொல்ல முடியுமா ? என்று கேட்டார் .
தொழிலதிபர் சொன்னார்: ரகசியம் என்று எதுவுமில்லை வாய்ப்புக் கிடைக்குமா என்று எதிர் பார்த்து கதவைத் தட்டிக் கொண்டேதான் இருக்க வேண்டும் .
இளைஞன் கேட்டான்: வாய்ப்பு எப்போது கிடைக்கும்?
கதவு எப்போது திறக்கும் என்று எப்படி கண்டுபிடிப்பது ?
தொழில் அதிபர் சொன்னார்: “கண்டுபிடிக்க வழியில்லை;
திறக்கும் வரையில் தட்டிக் கொண்டு இருப்பதுதான் வழி.”


இன்றைய முக்கிய செய்திகள் :
🌸 இந்தியா - நேபாளம் இடையே சோதனைச் சாவடி . இரு நாட்டு பிரதமர்கள் கூட்டாக திறந்து வைப்பு.
🌸 11 வட்டங்களிலும் ஜனவரி 24-ல் அம்மா திட்ட முகாம்.
🌸 தமிழ்ப் பல்கலைக் கழகம் சார்பில் தென்னாப்பிரிக்காவில் தமிழ் ஆசிரியர்களுக்கு பயிற்சி.
🌸 புதிய ஸ்மார்ட் செல்லிடப்பேசிகளில் இந்திய செயற்கைக்கோள் வழிகாட்டும் வசதி என இஸ்ரோ தகவல்.
🌸 அரசு மருத்துவமனைகளில் பயோமெட்ரிக்  நடைமுறைப்படுத்த மூன்று மாதங்கள் அவகாசம்.
🌸 5,8  வகுப்பு பொதுத்தேர்வு : படிக்கும் பள்ளிகளிலேயே எழுதலாம்.
🌸 வாக்காளர் பட்டியலில் பெயர் சேர்ப்பு : இருப்பிடச் சான்று ஆவணப் பட்டியலில் ஆதார் இல்லை. புதிய வாக்காளர் பெயர் சேர்ப்பு தொடர் சிக்கல்.
🌸 அரசு பாலிடெக்னிக் கல்லூரியில் விரிவுரையாளர் பணி : விண்ணப்பிக்க பிப்ரவரி 12 கடைசி.
🌸 என்பிஆர் தகவல்களை தெரிவிப்பது கட்டாயம் இல்லை என மத்திய உள்துறை இணை அமைச்சர் கிஷன் ரெட்டி அறிவிப்பு.
🌸 இந்தியாவில் பிரேசில் அதிபர் நான்கு நாட்கள் சுற்றுப்பயணம் ஜனவரி 24 தொடங்குகிறார்.
🌸 ஆஸ்திரேலிய ஓபன் : நடால் அதிரடி வெற்றி . ஷரபோவா வெளியேற்றம் .

🌸 19 வயதுக்குட்பட்டோர் உலககோப்பை காலிறுதியில் இந்தியா.


Today English news: 
🌸Not enough is known about China coronavirus strain, says WHO official
🌸.JD(U)’s Pawan Varma questions tie-up with BJP in Delhi polls.
.🌸Supreme Court for curbs on powers of Speakers.
🌸Nepal PM Oli positive of resolving all 'pending issues' with India.
 🌸Why it took Kejriwal 6 hours to file nomination papers for Delhi polls.
 🌸Trump lauds US economy in Davos, says little on climate woes.
🌸Prithvi Shaw, Sanju Samson replace Shikhar Dhawan for NZ series.
🌸 India ODI squad for NZ: Dhawan ruled out, Prithvi Shaw in


இனிய காலை வணக்கம் ....✍        
இரா மணிகண்டன் பட்டதாரி தமிழ் ஆசிரியர்
அரசு மேல்நிலைப்பள்ளி
வலையூர்
திருச்சிராப்பள்ளி மாவட்டம்-621005
அலைபேசி எண்: 9789334642 .